არქიტექტურისა და ქალაქმშენებლობის ისტორიკოსთა პირველი ქართულ-იაპონური უორკშოპი

ერთობლივი კვლევითი პროექტის ფარგლებში, გ. ჩუბინაშვილის სახ. ეროვნულმა ცენტრმა და ტოკიოს ტექნოლოგიის ინსტიტუტმა მოაწყვეს არქიტექტურისა და ქალაქმშენებლობის ისტორიკოსთა პირველი ქართულ-იაპონური უორკშოპი. ის ჩატარდა ილიას სახელმწიფო უნივერსიტეტის აღმოსავლეთმცოდნეობის ინსტიტუტის იაპონურ ცენტრში.

უორკშოპი გახსნეს გ. ჩუბინაშვილის სახ. ეროვნული ცენტრის დირექტორმა მარიამ დიდებულიძემ, აღმოსავლეთმცოდნეობის ინსტიტუტის დირექტორმა გიორგი სანიკიძემ და ტოკიოს ტექნოლოგიის ინსტიტუტის პროფესორმა შირო სასანომ. უორკშოპზე მოხსენებით წარდგა გ. ჩუბინაშვილის სახ. ეროვნული ცენტრის ორი თანამშრომელი. ნათია ნაცვლიშვილის პრეზენტაცია ეხებოდა კათოლიკურ ეკლესიებს საქართველოში. ირინა მანიამ მიმოიხილა თბილისის ქარვასლები.

მეორე უორკშოპი ჩატარდება 2013 წელს ტოკიოში.

“ქვის არქიტექტურის საერთაშორისო ჯილდო 2011”, ვერონა, იტალია

2011 წლის 24 სექტემბერს ქ. ვერონაში (იტალია) 46-ე  “Marmomacc”-ის: მარმარილოს, ქვისა და ტექნოლოგიების საერთაშორისო გამოფენის პროგრამის ფარგლებში ჩატარდა  “ქვის არქიტექტურის საერთაშორსო ჯილდო 2011”-ის საზეიმო გადაცემა. საცხოვრებელი ხუროთმოძღვრების კატეგორიაში ჯილდო გადაეცა პროექტს “სვანური კოშკები – საქართველო”, რომელიც წარდგენილი იქნა იტალიური მხარის მიერ.
“ქვის არქიტეტურის საერთაშორსო ჯილდოს” კურატორის, ბატონ ვინჩენცო პავანის მომართვის სფუძველზე პროექტის მომზადებაში აქტიური მონაწილეობა მიიღო გ. ჩუბინაშვილის ცენტრის მეცნიერ-თანამშრომელმა გიორგი პატაშურმა, რომელმაც მოამზადა  და გაუგზავნა პროექტის ჯგუფს სვანური კოშკების ანაზომები, ნახაზები, დასახლებათა გენ-გეგმები, ფოტომასალა, ტექსტური ნაწილი ინგლისურ ენაზე.
პროექტი “სვანური კოშკები – საქართველო” შეტანილია გამარჯვებული პროექტების კრებულში: “Glocal Stone, 2011”

დაჯილდოებას ესწრებოდა საქართველოს კულტურისა და ძეგლთა დაცვის მინისტრი ბ-ნი ნიკოლოზ რურუა.
გ. ჩუბინაშვილის ცენტრმა დაავალა ახალგაზრდა მეცნიერ-თანამშრომელს გიორგი პატაშურს, რომელიც იკვლევს სვანეთის ხუროთმოძღვრებას,  მოემზადებინა მოთხოვნილი მასალა: სვანეთის მოკლე ისტორია, კოშკების სახეობები, ნახაზები (გეგმები, ჭრილები), კოშკებიანი დასახლებების გენ-გეგმები, სახელოვნებათმცოდნეო კვლევა, საარქივო და ახალი ფოტომასალა და სხვ. ყოველივე ითარგმნა ინგლისურად და გაიგზავნა იტალიაში ზუსტად ერთი თვის თავზე, ივლისში. გამოყენებული იქნა საქართველოს იკომოსის მასალებიც.

სექტემბერში კი გ. ჩუბინაშვილის ცენტრმა მიიღო შეტყობინება ბატონი პავანისგან, რომ პროექტი “სვანური კოშკები – საქართველო” დასახელებულია გამარჯვებულ პროექტად “ქვის არქიტექტურის საერთაშორსო ჯილდო 2011”-ის საცხოვრებელი ხუროთმოძღვრების კატეგორიაში, რაშიც დიდი წვლილი შეიტანა გ. ჩუბინაშვილის სახ. ქართული ხელოვნების ისტორიისა და ძეგლთა დაცვის კვლევის ეროვნულმა ცენტრმა. 

2011 წლის 20-24 სექტემბერს ხელნაწერთა ეროვნულ ცენტრში ჩატარდა საერთაშორისო კონფერენცია “უცხოეთის ქართული მემკვიდრეობა”.

კონფერნციაზე მოხსენებები წაიკითხეს გ. ჩუბინაშვილის ეროვნული ცენტრის თანამშრომლებმა:
თამარ ხუნდაძე – “მეფეთა გამოსახულებანი ტაო-კლარჯეთის ხუროთმოძღვრულ ქანდაკებაში”,
ნინო ჭიჭინაძე – “სინას მთის წმ. ეკატერინეს მონასტრის ქართული ფერწერული ხატების მხატვრული სისტემები”,
მარიამ დიდებულიძე – “შუა საუკუნეების ქართული კედლის მხატვრობის ძეგლები ტაო-კლარჯეთში და მათი გადაუდებელი კონსერვაციის აქტუალური საკითხები”.

www.manuscript.ge

“საზოგადოება და ისტორიული გარემო”

20-22 სექტემბერს საქართველოს პარლამენტის ეროვნული ბიბლიოთეკის საკონფერენციო დარბაზში ძეგლებისა და ღირსშესანიშნაობათა საერთაშორისო საბჭოს საქართველოს ეროვნული კომიტეტი (ICOMOS – Georgia), ნორვეგიის კულტურული მემკვიდრეობის დირექტორატთან (Riksantikvaren) ერთად მართავს საერთაშორისო კონფერენციას “საზოგადოება და ისტორიული გარემო”.

კონფერენციის პარტნიორები არიან: საქართველოს პარლამენტის ეროვნული ბიბლიოთეკა, ბრიტანეთის საბჭო, გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრი.

2011 წლის 22-27 აგვისტოს ქ. სოფიაში (ბულგარეთი) ჩატარდა ბიზანტოლოგთა XXII საერთაშორისო კონგრესი, რომელშიც მონაწილეობას იღებდა 1000-ზე მეტი მეცნიერი სხვადასხვა ქვეყნიდან. კონგრესში მონაწილეობისთვის მიწვეულ იქნენ გ. ჩუბინაშვილის ცენტრის თანამშრომლები:

ხელოვნებათმცოდნეობის დოქტორი, პროფ. ლეილა ხუსკივაძე,  გელათის მოზაიკა: სამუშაოთა ორგანიზაცია, ტექნიკა, რესტავრაცია.

ხელოვნებათმცოდნეობის დოქტორი მარიამ დიდებულიძე. მწვალებლობების წინააღმდეგ მიმართული საღვთისმეტყველო კამათების გავლენა ყინცვისის წმ. ნიკიოლოზის ტაძრის მოხატულობის პროგრამაზე.
ცენტრის თანამშრომლებმა აქტიური მონაწილეობა მიიღეს კონგრესის მუშაობაში, მოინახულეს ქ. სოფიას მუზეუმები და კონგრესთან დაკავშირებული გამოფენები. ეწვივნენ ქ. პლოვდივს, ბაჩკოვოს მონასტერს, ბოიანას მონასტერს. კონგრესის მონაწილეებს შორის გაავრცელეს გ. ჩუბინაშვილის ცენტრის მიერ გამოცემული წიგნები და ანოტაციები ამ წიგნების შესახებ. განაახლეს ძველი და დაამყარეს ახალი სამეცნიერო კონტაქტები.

საქართველოს კულტურისა და ძეგლთა დაცვის და ნორვეგიის გარემოს დაცვის სამინისტროებს შორის  გაფორმებული ურთიერთგაგების მემორანდუმის საფუძველზე 2011 წლის 16 ივნისს საქართველოს კულტურული მემკვიდრეობის დაცვის ეროვნულმა სააგენტომ და ნორვეგიის კულტურული მემკვიდრეობის დირექტორატმა –  რიკსანტეკვარენი ჩაატარა საერთაშორისო სემინარი თემაზე: “ძველი თბილისის მდგრადი განვითარება: გამოწვევები და შესაძლებლობები”.

სემინარის მიზანი იყო კულტურული მემკვიდრეობის სფეროში ნორვეგიული გამოცდილების საფუძველზე ძველი თბილისის ისტორიული უბნების განვითარების საკითხების განხილვა.

სემინარის მუშაობაში მონაწილეობა მიიღო გიორგი ჩუბინაშვილის ცენტრის დირექტორმა მარიამ დიდებულიძემ, რომელმაც წაიკითხა მოხსენება “ძველი თბილისის ახალი სიცოცხლე”, რომელშიც განხილული იყო ქალაქ თბილისის მერიის საქმიანობა ძველი თბილისის ურბანული მემკვიდრეობის დაცვის სფეროში.