საჯარო ლექცია 2 ტესტ
Leave a comment
2025 წლის 11-12 დეკემბერს გიორგი ჩუბინაშვილის სახელობის ქართული ხელოვნების ისტორიის და ძეგლთა დაცვის ეროვნული კვლევითი ცენტრის ორგანიზებით გაიმართება საერთაშორისო სამეცნიერო კონფერენცია „ქართული ხელოვნების ისტორია: ტრადიცია და პერსპექტივები“.
კონფერენცია მიეძღვნება ქართული სახელოვნებათმცოდნეო სკოლის დამფუძნებლის, ქართული ხელოვნების ისტორიის ინსტიტუტის დამაარსებლის, აკად. გიორგი ჩუბინაშვილის 140 წლისთავს.
➡️ჩვენ ვიწვევთ სხვადასხვა აკადემიური სფეროს წარმომადგენლებს, რომლებიც იკვლევენ ქართულ ხელოვნებას სხვადასხვა პერსპექტივიდან. კონფერენციაზე შესაძლოა წარმოდგენილი იყოს საკითხების ფართო წრე, მათ შორის:
– წინაქრისტიანული, შუა საუკუნეების, ახალი და თანამედროვე ქართული ხელოვნების და არქიტექტურის ინტერპრეტაციასთან დაკავშირებული საკითხები
– ქართული ხელოვნების შესწავლის ტრადიცია, მეთოდოლოგია, ქართული ხელოვნების ისტორია თანამედროვე ხელოვნების ისტორიის დისკურსში
– კულტურული მემკვიდრეობის დაცვის სტრატეგიები და მიმდინარე პრობლემები
– სახელოვნებო განათლება: ახალი დროის გამოწვევები,
– მუზეუმები და ეროვნული მემკვიდრეობა თანამედროვე საზოგადოებაში
კონფერენციაზე წარმოდგენილი უნდა იყოს ახალი კვლევის შედეგები, რომლებიც არ ყოფილა გამოქვეყნებული ან წაკითხული სხვა კონფერენციაზე.
📆თეზისები – 300 სიტყვა, ფონტი Sylfaen – უნდა გადმოიგზავნოს მიმდინარე წლის 15 სექტემბრამდე შემდეგ მისამართზე: g_ch_centre@yahoo.com
თეზისებს უნდა ახლდეს მოკლე CV (მაქს. 100 სიტყვა)
თეზისები გაივლის ანონიმურ რეცენზირებას. შედეგებს მოგახსენებთ 10 ოქტომბერს
სამუშაო ენები: ქართული და ინგლისური
ფორმატი – ჰიბრიდული
მოხსენების ხანგრძლივობა 20 წთ.
კონფერენციაში მონაწილეობის მიღება შეუძლიათ დოქტორანტურის სტუდენტებსაც.
გმადლობთ დაინტერესებისთვის
განხორციელების თარიღი: 2009-2013 წლები
განმახორციელებელი ჯგუფი: ნ. ნაცვლიშვილი, გ. პატაშური, მ. გაბაშვილი, მ. ლილუაშვილი, ი. მანია, ე. ედიშერაშვილი
პროექტში ჩართული ორგანიზაციები: გიორგი ჩუბინაშვილის სახელობის ქართული ხელოვნების ისტორიის და ძეგლთა დაცვის ეროვნული კვლევითი ცენტრი, ტოკიოს ტექნოლოგიის ინსტიტუტი
მოკლე აღწერა: 2009-2013 წლებში, გიორგი ჩუბინაშვილის სახელობის ქართული ხელოვნების ისტორიის და ძეგლთა დაცვის ეროვნული კვლევითმა ცენტრმა და ტოკიოს ტექნოლოგიის ინსტიტუტმა განახორციელეს ერთობლივი კვლევითი პროექტი, რომლის მიზანი იყო შუა საუკუნეების ქართული საეკლესიო და საერო არქიტექტურის ძეგლების ფიზიკური მდგომარეობის შესწავლა ტექნიკის უახლესი საშუალებების გამოყენებით. პროექტის ხელმძღვანელები იყვნენ იაპონელი მეცნიერი შირო სასანო და ცენტრის მეცნიერი თანამშრომელი დავით ხოშტარია.
