• Yearly Archives: 2011

     

    ძველი თბილისის მდგრადი განვითარება: გამოწვევები და შესაძლებლობები”

    ივნისი 16, 2011

    საქართველოს კულტურისა და ძეგლთა დაცვის და ნორვეგიის გარემოს დაცვის სამინისტროებს შორის  გაფორმებული ურთიერთგაგების მემორანდუმის საფუძველზე 2011 წლის 16 ივნისს საქართველოს კულტურული მემკვიდრეობის დაცვის ეროვნულმა სააგენტომ და ნორვეგიის კულტურული მემკვიდრეობის დირექტორატმა –  რიკსანტეკვარენი ჩაატარა საერთაშორისო სემინარი თემაზე: “ძველი თბილისის მდგრადი განვითარება: გამოწვევები და შესაძლებლობები”.

    სემინარის მიზანი იყო კულტურული მემკვიდრეობის სფეროში ნორვეგიული გამოცდილების საფუძველზე ძველი თბილისის ისტორიული უბნების განვითარების საკითხების განხილვა.

    სემინარის მუშაობაში მონაწილეობა მიიღო გიორგი ჩუბინაშვილის ცენტრის დირექტორმა მარიამ დიდებულიძემ, რომელმაც წაიკითხა მოხსენება “ძველი თბილისის ახალი სიცოცხლე”, რომელშიც განხილული იყო ქალაქ თბილისის მერიის საქმიანობა ძველი თბილისის ურბანული მემკვიდრეობის დაცვის სფეროში.

    Leave a comment
     

    A jubilee exhibition dedicated to the 125 anniversary of a well-known architect Michael Kalashnikov

    ივნისი 8, 2011

    A jubilee exhibition dedicated to the 125 anniversary of a well-known architect Michael Kalashnikov (1886-1969) was held on June 8, 2011 in the Tbilisi Museum of History (Karvasla) by the National Museum of Georgia, the George Chubinashvili Centre, an International Cultural-Educational Union “Russian Club” and the Union of Architects of Georgia. The measurements, sketches, unknown photos made by the architect were exhibited. The curator of the exhibition is a research worker of the George Chubinashvili Centre Tamaz Gersamia.

    Tamaz Gersamia, the director of the Centre Mariam Didebulidze and the heir of Michael Kalashnikov Cyril Fomin spoke about the great services of Michael Kalashnikov and the significance of the exhibition; Giga Batiashvili and Lika Mamatsashvili made speeches as well.

    In full see: www.georgianart.ge

    Leave a comment
     

    მიხეილ კალაშნიკოვის 125 წლისთავისადმი მიძღვნილი საიუბილეო გამოფენა

    ივნისი 8, 2011

    2011 წლის 8 ივნისს თბილისის ისტორიის მუზეუმში (ქარვასლა) საქართველოს ეროვნული მუზეუმის, გიორგი ჩუბინაშვილის ცენტრის, საერთაშორისო კულტურულ-საგანმანათლებო კავშირის “რუსული კლუბი”, და საქართველოს არქიტექტორთა კავშირის მიერ მოეწყო ცნობილი არქიტექტორის მიხეილ კალაშნიკოვის (1886-1969) 125 წლისთავისადმი მიძღვნილი  საიუბილეო გამოფენა, სადაც წარმოდგენილი იყო არქიტექტორის მიერ შესრულებული ანაზომები, ჩანახატები, უცნობი ფოტოები.  გამოფენის კურატორია გიორგი ჩუბინაშვილის ცენტრის მეცნიერი თანამშრომელი თამაზ გერსამია.

    მიხეილ კალაშნიკოვის ღვაწლსა და გამოფენის მნიშვნელობაზე ისაუბრეს თამაზ გერსამიამ, ცენტრის დირექტორმა მარიამ დიდებულიძემ, მიხეილ კალაშნიკოვის  მემკვიდრემ კირილე ფომინმა, სიტყვით გამოვიდნენ გიგა ბათიაშვილი და ლიკა მამაცაშვილი.

    ვრცლად იხილეთ: www.georgianart.ge

    Leave a comment
     

    OLKAS, from the Aegean to the Black Sea – Medieval Harbours along the Eastern Seaways

    მაისი 23, 2011

    The George Chubinashvili National Research Centre for Georgian Art History and Heritage Preservation has taken part in the development and presentation of the project “OLKAS, from the Aegean to the Black Sea – Medieval Harbours along the Eastern Seaways”, based on the international partnership. The project has been presented by Greece (The European Centre of Byzantine and Post-Byzantine Monuments, Thessalonica); participants are scientific institutions of Romania, Turkey, Bulgaria and Ukraine. Duration of the project is 2 years.

    In 2011 the project won in the competition held in the framework of “The Black Sea Basin Borderland Collaboration Program” of the European Union (the Black Sea CBC).
    In this connection, on May 23 of this year rewarding was held in the building of the government office. Winner projects were awarded diplomas by George Baramidze, state secretary of Georgia in the affairs of integration in the European and Euro Atlantic structures.

    Leave a comment
     

    OLKAS. ეგეოსიდან შავ ზღვამდე – შუასაუკუნეების ნავსადგურები აღმოსავლეთის საზღვაო გზებზე

    მაისი 23, 2011

    გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნულმა ცენტრმა მონაწილეობა მიიღო საერთაშორისო პარტნიორობაზე დაფუძნებული პროექტის “OLKAS. ეგეოსიდან შავ ზღვამდე – შუასაუკუნეების ნავსადგურები აღმოსავლეთის საზღვაო გზებზე” მომზადებასა და წარდგენაში. პროექტი წარდგენილ იქნა საბერძნეთის მიერ (ბიზანტიური და პოსტბიზანტიური ძეგლების ევროპული ცენტრი, თესალონიკი), მონაწილეობენ რუმინეთის, თურქეთის, ბულგარეთის, უკრაინის სამეცნიერო დაწესებულებები. პროექტის ხანგრძლივობა 2 წელი.

    2011 წელს პროექტმა გაიმარჯვა ევროკავშირის “შავი ზღვის აუზის საზღვრისპირა თანამშრომლობის პროგრამის” (Black Sea CBC) ფარგლებში ჩატარებულ პირველ კონკურსში.

    ამასთან დაკავშირებით ა. წ. 23 მაისს, მთავრობის კანცელარიის შენობაში გაიმართა დაჯილდოება. გამარჯვებულ პროექტებს მადლობის სიგელები გადასცა ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა  ბატონმა გიორგი ბარამიძემ.

    Leave a comment
     

    Tbilisi City Administration and City Council

    მაისი 2, 2011

    On May 2-5, 2011 Tbilisi Economical Development Forum, where international experts of urban planning took part, was held on the initiative of Tbilisi City Administration and City Council and with the help of the World Bank. In order to work out the strategy of Tbilisi development along with many other problems, the issues of protection and development of historical and cultural heritage of the old town were considered. Besides, the experts discussed the ways of including relevant objectives in the city development strategy.

    The director  of the Chubinashvili Centre Mariam Didebulidze and research workers Manana Suramelashvili, Mariam Gachechiladze and Tsitsino Chachkhunashvili took part in the conference.

    Leave a comment
     

    თბილისის ეკონომიკური განვითარების ფორუმი

    მაისი 2, 2011

    2011 წლის 2-5 მაისს თბილისის მერიისა და საკრებულოს თაოსნობით და მსოფლიო ბანკის მხარდაჭერით შედგა თბილისის ეკონომიკური  განვითარების ფორუმი,რომელშიც მონაწილეობდნენ სხვადასხვა ქვეყნის ურბანული დაგეგმარების საერთაშორისო ექსპერტები. თბილისის განვითარების სტრატეგიის შესამუშავებლად მრავალ სხვა საკითხთან ერთად განიხილებოდა ძველი ქალაქის ისტორიულ-კულტურული მემკვიდრეობის დაცვისა და განვითარების საკითხები და ამასთან დაკავშირებული ამოცანების ჩართვის გზები  ქალაქის განვითარების სტრატეგიაში.

    კონფერენციის მუშაობაში მონაწილეობა მიიღეს ჩუბინაშვილის ცენტრის დირექტორმა მარიამ დიდებულიძემ და თანამშრომლებმა: მანანა სურამელაშვილმა, მარიამ გაჩეჩილაძემ, ციცინო ჩაჩხუნაშვილმა და სხვ

    Leave a comment
     

    გიორგი ჩუბინაშვილის ცენტრის მეცნიერი თანამშრომელი მზია ჩიხრაძე

    მაისი 2, 2011

    გიორგი ჩუბინაშვილის ცენტრის მეცნიერი თანამშრომელი მზია ჩიხრაძე,  2009 წლის 25 ოქტომბრიდან 2010 წლის 14 ივნისამდე მონაწილეობდა ფულბრაიტის სამეცნიერო პროგრამაში, როგორც თანამედროვე ხელოვნების ისტორიისა და თეორიის მკვლევარი. ამ პერიოდში მან ჩაატარა სამეცნიერო კვლევა თემაზე “მოდერნიზმი და ქართული ავანგარდული ფილმები”. აღნიშნულ პროგრამაზე სამუშაოდ მზია ჩიხრაძე მივლინებული იყო ნიუ-იორკის კოლუმბიის უნივერსიტეტში.

    კოლუმბიის უნივერსიტეტში მისი ხელმძღვანელობით მოეწყო სამეცნიერო კონფერენცია “მოდერნიზმი საქართველოში: საზღვრების ხელახალი მოხაზვა” (იხ. http://www.harrimaninstitute.org/events/conferences.html) და გამოფენა ქართულ მოდერნიზმზე, სადაც გარდა ქართული ფუტურისტული წიგნებისა და მოდერნისტული ფერწერული ნამუშევრების ფერადი ფოტოასლებისა, წარმოდგენილი იყო ქართული ავანგარდული ფილმებიც (იხ. http://www.harrimaninstitute.org/events/exhibits.html).

    ზემოთ ხსენებულ კონფერენციაში “მოდერნიზმი საქართველოში: საზღვრების ხელახალი მოხაზვა”, რომელიც ჩატარდა 2010 წლის 10 აპრილს კოლუმბიის უნივერსიტეტში (ნიუ-იორკი), მონაწილეობას იღებდნენ, როგორც ქართველი, ისე უცხოელი სპეციალისტები. კონფერენცია საინტერესო იყო როგორც ცოდნისა და გამოცდილების გაზიარების, ისე ახალი კონტაქტების დამყარების თვალსაზრისით. კონფერენციამ საშუალება მისცა ქართველ სპეციალისტებს, ფართო საზიგადოებისთვის გაეცნოთ ქართული მოდერნიზმის მნიშვნელოვანი მოვლენები. კონფერენციის მიზანი იყო მოეცვა ქართული მოდერნიზმის ყველა ასპექტი. მოხსენებები გაერთიანებული იყო თემატურად და კონცეფტუალურად საერთო თემის მიხედვით: ქართული მოდერნიზმი, ავანგარდი და მოდერნულობა.

    კონფერენციაზე მომხსენებლები იყვნენ: კატარინ ნეპომნიაში (ენ ვიტნი ოლინის პროფესორი, კოლუმბიის უნივერსიტეტის ბერნარდის კოლეჯის რუსული განყოფილების თავმჯდომარე), ლორენ ნინოშვილი (დოქტორი ფოლკლორისტიკიაში, კოლუმბიის უნივერსიტეტი, ქართული სწავლებების კოორდინატორი კოლუმბიის უნივერსიტეტის ჰარიმანის ინსტიტუტში), ჰარშა რამი(ასოცირებული პროფესორი, სლავიანისტური ენები და კომპერატიული ლიტერატურა, ბერკლის უნივერსიტეტი), ფრანსუაზ ლე-გრისი (ასოცირებული პროფესორი, ხელოვნების ისტორია, კვებეკის უნივერსიტეტი, მონრეალი), პამელა რენერი (ხელოვნების ჟურნალისტი, ინგლისური ენა, მიწვეული ინსტრუქტორი, იმფაიარ სთეით კოლეჯი), ქეთევან შავგულიძე (ასოცირებული პროფესორი, გრიგოლ რობაქიძის ხელოვნების უნივერსიტეტი, თბილისის სახელმწიფო სამხატვრო აკადემია, ივ. ჯავახიშვილის სახ. სახელმწიფო უნივერსიტეტი), თეა ტაბატაძე(ხელოვნებათმცოდნე, გიორგი ჩუბინაშვილის სახ. ქართული ხელოვნების ისტორიის და ძეგლთა დაცვის კვლევის ეროვნული ცენტრი, თბილისის სამხატვრო აკადემიის პროფესორი), ნესტან თათარაშვილი (არქიტექტორი, არტ ნუვოს დაცვის ჯგუფის თავმჯდომარე, გროსსოს არქიტექტორი), მზია ჩიხრაძე (გიორგი ჩუბინაშვილის სახ. ქართული ხელოვნების ისტორიის და ძეგლთა დაცვის კვლევის ეროვნული ცენტრის მეცნიერი თანამშრომელი, ფულბრაიტის მკვლევარ-მეცნიერი კოლუმბიის უნივერსიტეტის ჰარიმანის ინსტიტუტში), ოლიკო ჟღენტი (მკვლევარი, საქართველოს შოთა რუსთაველის თეატრისა და კინოს სახელმწიფო უნივერსიტეტის სამეცნიერო კვლევითი ცენტრი, მიწვეული პროფესორი, რუსთაველის სახელმწიფო უნივერსიტეტი, ბათუმი).
    კონფერენციის პარალელურად მზია ჩიხრაძემ მოაწყო ქართული მოდერნიზმის და თბილისური ავანგარდის გამოფენა კოლუმბიის უნივერსიტეტის ჰარიმანის ინსტიტუტის ატრიუმში, რომელიც გაგრძელდა 2010 წლის 1 აპირილიდან 10 მაისამდე. აღნიშნული გამოფენის მასალა ერთი წლის წინ წარმოდგენილი იყო კეისი კაპლანის გალერეაში ჩელსიში (ნიუ-იორკი). აღნიშნული გამოფენის კურატურები იყვნენ შვეიცარიელი ხელოვნებათმცოდნე და კურატორი დანიელ ბაუმანი და ხელოვნების ინტერდისციპლინური კვლევის ლაბორატორია (AIRL, საქართველო).

    მზია ჩიხრაძის ხელმძღვანელობით გამართული გამოფენა “ქართული მოდერნიზმი/თბილისური ავანგარდი” გაგრძელდა 2010 წლის პირველი აპრილიდან 10 მაისამდე. ექსპოზიცია განთავსებული იყო ჰარიმანის ინსტიტუტის ატრიუმში. გამოფენა მოეწყო ხელოვნების ინტერდისციპლინური კვლევის ლაბორატორიასთან (საქართველო) და დანიელ ბაუმანთან (ხელოვნებათმცოდნე, თავისუფალი კურატორი, შვაიცარია) კოლუმბიის უნივერსიტეტის ჰარიმანის ინსტიტუტის თანამშრომლობით.

    გამოფენის მიზანი იყო ეჩვენებინა ქართული მოდერნისტული ხელოვნებისა და კულტურის ადგილი და როლი თანამედროვე დასავლური ხელოვნების ისტორიის განვითარებაში. აღნიშნული მასალა ერთი წლის წინ, 2009 წლის ივლისში, წარმოდგენილი იყო ნიუ-იორკის კეისი კაპლანის გალერეაში გამოფენაზე: “ფანტასტიკური დუქანი. თბილისის ავანგარდი”; რომლის კურატორებიც იყვნენ ზემოთ ხსენებული დანიელ ბაუმანი (თავისუფალი კურატორი შვეიცარიიდან) და ხელოვნების ინტერდისციპლინური კვლევის ლაბორატორია (საქართველო). გამოფენაზე “მოდერნიზმი საქართველოში/ თბილისური ავანგარდი”  წარმოდგენილი იყო ქართული ხელოვნების ისტორიის ერთ-ერთი უმნიშვნელოვანესი პერიოდი. საქართველოს დემოკრატიული რესპუბლიკის დამოუკიდებლობის მოკლე ისტორიის მანძილზე, 1918 წლიდან 1921 წლამდე, თბილისი “პატარა პარიზს” დაემსგავსა, ის კავკასიის და რუსეთის კულტურულ ცენტრად იქცა. გამოფენაზე წარმოდგენილი იყო თბილისური ავანგარდის ინტერკულტურული, ინტერნაციონალური ხელოვნება, სადაც ექსპონირებული იყო 1917-1924 წლებში თბილისში გამოცემული ფუტურისტული წიგნების, ჟურნალ-გაზეთების, დადაისტური მანიფესტების, მოდერნისტული პოეზიის, ფერწერული ნამუშევრების, თეატრალური მხატვრობის, სარეკლამო აფიშების ფერადი ასლები, ავანგარდული პოეზიის ხმოვანი ჩანაწერები, ქართული ავანგარდული ფილმები… ყოველივე ეს კი ასახავდა იმ მხატვრულ-კულტურულ გარემოს, რომელიც 1910-1920-იანი წლების თბილისში იქმნებოდა და რომელიც შეადგენდა იმ განსაკუთრებულ ფენომენს, რომელიც თბილისური ავანგარდის სახელით არის ცნობილი.

    2010 წლის 17 აპრილს მზია ჩიხრაძემ მონაწილეობა მიიღო კოლუმბიის უნივერსიტეტის ეროვნებების კვლევის ასოციაციის ყოველწლიურ XV მსოფლიო სიმპოზიუმში. სიმპოზიუმის ერთ-ერთი მიმართულება განისაზღვრებოდა სათაურით “დაფარული ქართული ისტორიები რუსულ კულტურასა და აზროვნებაში”.

    მზია ჩიხრაძის მოხსენება იყო თემაზე  – “XX საუკუნის დასაწყისის ქართულ-რუსული კულტურული ურთიერთობების შედეგები, რუსულ ხელოვნებაზე ქართული გავლენების ორი ძირითადი ასპექტი”.

    Leave a comment