საერთაშორისო კონფერენცია „კულტურული მემკვიდრეობის დაცვა ოკუპირებულ ტერიტორიებზე: საქართველო და საერთაშორისო გამოცდილება“

გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი, თსუ ივანე ჯავახიშვილის სახელობის ისტორიისა და ეთნოლოგიის ინსტიტუტი და კორნელი კეკელიძის სახელობის საქართველოს ხელნაწერთა ეროვნული ცენტრი ლურჯი ფარის საქართველოს ეროვნულ კომიტეტთან ერთად ორგანიზებას უწევს საერთაშორისო კონფერენციას სახელწოდებით: „კულტურული მემკვიდრეობის დაცვა ოკუპირებულ ტერიტორიებზე: საქართველო და საერთაშორისო გამოცდილება“ რომელიც გაიმართა 2020 წლის 24-25 ივნისს, თბილისში, გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნულ კვლევით ცენტრში.
კონფერენცია შოთა რუსთაველის ეროვნული სამეცნიერო ფონდის „2019 წლის საქართველოს ოკუპირებული ტერიტორიების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსის“ ფარგლებში დაფინანსდა.

სახალხო მხატვრის სერგო ქობულაძის დაბადებიდან 110 წლის საიუბილეო თარიღთან დაკავშირებით გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნულ კვლევით ცენტრში, 2019 წლის 22 და 23 ოქტომბერს ჩატარდა სამეცნიერო კონფერენცია.
კონფერენციაზე წარმოდგენილ მოხსენებებში განიხილებოდა XIX-XX სს-ის ქართულ სახვით ხელოვნებასა და არქიტექტურასთან დაკავშირებული საკითხები.
გამოფენაზე წარმოდგენილი იყო სერგო ქობულაძის პირადი და შემოქმედებითი ცხოვრების ამსახველი ფოტოები და სხვადასხვა ტიპის დოკუმენტაცია. ასევე ესკიზები,  რომლებიც თანმიმდევრულად გვიჩვენებს მხატვრის სამუშაო პროცესს.

შუა საუკუნეების ხელოვნებისადმი მიძღვნილი საერთაშორისო ფორუმი, რომელიც 18-21 სექტემბერს ბერნის უნივერსიტეტში (შვეიცარია) გაიმართა, საქართველოსადმი მიღძვნილ ორ სესიას მასპინძლობდა. სესიები ორგანიზებული იყო ფრიბურგის უნივერსიტეტის მიერ, როგორც გაგრძელება სეზონური სკოლის პრექტისა “ტაო-კლარჯეთი, ისტორია და მემკვიდრეობა, მოძრავი და უძრავი ძეგლები”.
საქართელოსადმი მიძღვნილ სხდომებს Georgia as a Bridge between Cultures: Dynamics of Artistic Exchange უძღვებოდნენ ფრბურგის უნივერსიტეტის დოქტორები მანუელა სტუდერი და ტომას კაფენბერგერი.
გიორგი ჩუბინაშვილის ცენტრის სახელით კი მოხსენებები წარადგინეს ნინო ჭიჭინაძემ, ეკატერინე გედევანიშვილმა, ირინე გივიაშვილმა, ნატალია ჩიტიშვილმა, ირმა მამასახლისმა, თამარ დადიანმა.
საქართელოსადმი მიძღვნილი სესიები დასავლელ მეცნიერთა დიდი ინტერესის საგანი გახდა და სხდომები მსმენელით სავსე დარბაზებში გაიმართა, მოხსენებებს კი ვრცელი დისკუსიები მოყვა.

2019 წლის 8-16 სექტემბერს ჩატარდა სეზონური სკოლა
“ტაო-კლარჯეთი ისტორია და მემკვიდრეობა: უძრავი და მოძრავი ძეგლები”

პროექტი განხორციელდა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის და თანამონაწილე ორგანიზაციების:  ბაზელის უნივერსიტეტის ხელოვნების ისტორიის სემინარის, ფრიბურგის უნივერსიტეტის შუა საუკუნეების ხელოვნების ისტორიის კათედრისა და ფლორენციის მაქს პლანკის ხელოვნების ისტორიის ინსტიტუტის მიერ.  პროექტი დააფინანსა შოთა რუსთაველის საქართველოს ეროვნულმა  სამეცნიერო ფონდმა.